മീനങ്ങാടിയിൽ വീണ്ടും കടുവയുടെ ആക്രമണം

മീനങ്ങാടി: വയനാട് മീനങ്ങാടിയിൽ വീണ്ടും കടുവയുടെ ആക്രമണം.ഇന്ന് പുലർച്ചെ രണ്ടിടങ്ങളിലായി ഏഴ് ആടുകളെ കൊന്നു. കൊളഗപ്പാറ ചൂരി മലക്കുന്ന് തുരുത്തുമ്മേൽ മേഴ്‌സിയുടെ 4 ആടുകളെയും,ആവയൽ പുത്തൻപുരയിൽ സുരേന്ദ്രന്റെ 3 ആടുകളെയുമാണ് കടുവ കൊന്നത്.

മീനങ്ങാടി യൂക്കാലി കവലയിൽ ഇന്നലെ മൂന്ന് ആടുകളെയും കടുവ കൊന്നിരുന്നു. ഇതോടെ ഒരുമാസത്തിനിടെ പ്രദേശത്ത് കടുവയുടെ ആക്രമണത്തിനിരയാകുന്ന ആടുകളുടെ എണ്ണം 21 ആയി. സംഭവത്തിൽ കടുത്ത പ്രതിഷേധവുമായി നാട്ടുകാർ രംഗത്തെത്തിയിട്ടുണ്ട്.