പാത്രം എടുത്ത് എറിഞ്ഞു; പിന്നെ പൊരിഞ്ഞ അടി; തൃശൂരിൽ ഹോട്ടലിൽ സംഘർഷം

തൃശൂർ: ചെറുതുരുത്തിയിലെ ഹോട്ടലിൽ യുവാക്കൾ തമ്മിൽ സംഘർഷം. കൊച്ചിൻ പാലത്തിന് സമീപത്തെ കിസ്മിസ് ഹോട്ടലിലാണ് സംഘർഷമുണ്ടായത്. വടക്കാഞ്ചേരി സ്വദേശികളായ യുവാക്കൾ ഹോട്ടലിൽ ബഹളം ഉണ്ടാക്കിയത് മറ്റൊരു സംഘം ചോദ്യം ചെയ്തതാണ് സംഘർഷത്തിലേക്ക് നയിച്ചത്.

വടക്കാഞ്ചേരിയിൽ നിന്നുള്ള നാലം​ഗ യുവാക്കളുടെ സംഘം ഹോട്ടലിന് മുന്നിൽ വെച്ച് മറ്റുള്ളവർക്ക് ബുദ്ധിമുട്ടുണ്ടാകുന്ന തരത്തിൽ വളരെ ഉയർന്ന ശബ്ദത്തിൽ സംസാരിക്കുകയായിരുന്നു. പുതുശേരിയിൽ നിന്നെത്തിയ മറ്റൊരു സം​ഘം യുവാക്കൾ ഇത് ചോ​ദ്യം ചെയ്തു. തുടർന്ന് ഇവർ തമ്മിലുള്ള വാക്കു തർക്കമാണ് സംഘർഷത്തിൽ കലാശിച്ചത്.

15000 രൂപയുടെ നാശനഷ്ടമുണ്ടായെന്നാണ് വിലയിരുത്തൽ. ഹോട്ടൽ ഉടമ നൽകിയ പരാതിയുടെ അടിസ്ഥാനത്തിൽ കണ്ടാലറിയവുന്ന ഏഴ് പേർക്കെതിരെ ചെറുതുരുത്തി പൊലീസ് കേസെടുത്തു.

Full View