തിരുവനന്തപുരം മടവൂരിലെ രണ്ടാം ക്ലാസുകാരിയുടെ മരണം; സ്കൂൾ ബസ് ഡ്രൈവർക്കെതിരെ കേസ്

തിരുവനന്തപുരം: മടവൂരിലെ രണ്ടാം ക്ലാസുകാരിയുടെ മരണത്തിൽ സ്കൂൾ ബസ് ഡ്രൈവർക്ക് എതിരെ കേസെടുത്തു. മടവൂർ സ്വദേശി ബിജുകുമാറിനെതിരെയാണ് കേസ്. കുട്ടി സുരക്ഷിതമായി വീട്ടിലേക്ക് പോയോ എന്നത് ശ്രദ്ധിച്ചില്ലെന്നും, അശ്രദ്ധമായി വാഹനം ഓടിച്ചെന്നും എഫ്ഐആറിൽ പറയുന്നു. എഫ്ഐആറിൻ്റെ പകർപ്പ് മീഡിയവണിന് ലഭിച്ചു.

മടവൂർ ​ഗവ. എൽ.പി സ്കൂളിലെ വിദ്യാർഥിയായ കൃഷ്ണേന്ദുവാണ് മരിച്ചത്. മണികണ്ഠൻ, ശരണ്യ എന്നിവരുടെ മകളാണ് കൃഷ്ണേന്ദു. വീടിനു മുൻപിൽ കുട്ടിയെ ഇറക്കി ബസ് മുന്നോട്ടെടുത്തപ്പോളാണ് അപകടം. വൈകീട്ട് നാലരയോടെയാണ് സംഭവം.