മാലിന്യങ്ങള്‍ അടിഞ്ഞുകുടി ഓടകള്‍ അടഞ്ഞു; കളമശ്ശേരി കണ്ടെയ്നർ റോഡിൽ വൻ വെള്ളക്കെട്ട്
പ്രദേശത്ത് ഗതാഗത തടസ്സം നേരിടുകയാണ്
Update: 2023-04-28 04:01 GMT
എറണാകുളം: കളമശ്ശേരി പാലത്തിന് താഴെ കണ്ടെയ്നർ റോഡിൽ വൻ വെള്ളക്കെട്ട്. മാലിന്യങ്ങള്‍ അടിഞ്ഞുകുടി ഓടകള്‍ അടഞ്ഞതാണ് വെള്ളക്കെട്ടിന് കാരണം. പ്രദേശത്ത് ഗതാഗത തടസ്സം നേരിടുകയാണ്.
കണ്ടെയ്നർ ലോറികള്‍ സ്ഥിരമായി നിർത്തിയിടുന്ന ഇവിടെ മാലിന്യങ്ങള്‍ കുന്നുകൂടി കിടക്കുകയാണ്. കഴിഞ്ഞ ദിവസം ഈ വിഷയത്തിൽ ജില്ലാ കലക്ടർ ഇടപെട്ടിരുന്നു. കണ്ടെയ്നർ ലോറിക്ക് പിന്നിൽ മാലിന്യകൂമ്പാരം കൂന്ന് കൂടുന്ന സാഹചര്യത്തിൽ അനധികൃത പാർക്കിങ് ഒഴിവാക്കണമെന്ന് നിർദേശം നൽകിയിരുന്നു. ആദ്യമായാണ് കളമശ്ശേരി ഭാഗത്ത് ചെറിയ മഴയിൽ ഇത്ര വലിയ വെള്ളക്കെട്ട് രൂപപ്പെടുന്നത്. വിഷയത്തിൽ ഇതുവരെ പ്രതികരിക്കാൻ നഗരസഭ തയാറായിട്ടില്ല.