ആരാകും കേരളത്തിന്‍റെ വാര്‍ത്താമുഖം?: മീഡിയവൺ 'ഫെയ്സ് ഓഫ് കേരള 2021ന്' ഇന്ന് തുടക്കം
ഡിസംബർ 31 ന് രാത്രി എട്ടിനാണ് വാർത്താമുഖത്തെ പ്രഖ്യാപിക്കുക
Update: 2021-11-21 02:16 GMT
2020 പോലെ രാജ്യവും കേരളവും പ്രതിസന്ധിയിലൂടെ കടന്നുപോയ വർഷമാണ് 2021ഉം. ഈ വർഷത്തെ വാർത്താമുഖത്തെ തേടിയുളള മീഡിയവൺ പ്രത്യേക പരിപാടി 'ഫെയ്സ് ഓഫ് കേരള' ഇന്ന് തുടങ്ങുന്നു. വ്യത്യസ്ത രംഗങ്ങളിൽ വാർത്താമുദ്ര പതിപ്പിച്ച പത്ത് പേരുടെ പ്രാഥമിക പട്ടിക ഇന്ന് രാത്രി 8 മണിക്ക് പ്രഖ്യാപിക്കും. അന്തിമ വിജയിയെ ഡിസംബർ 31ന് അറിയാം.
രാഷ്ട്രീയം, സാമൂഹ്യപ്രവർത്തനം, കല, സാഹിത്യം, കായികം തുടങ്ങി വിവിധ മേഖലകളിൽ നിന്ന് മീഡിയവൺ എഡിറ്റോറിയൽ വിഭാഗം തെരഞ്ഞെടുത്ത പത്ത് പേരുടെ പട്ടികയാണ് ഇന്ന് രാത്രി പ്രഖ്യാപിക്കുക.
പ്രേക്ഷകരുടെ വോട്ടെടുപ്പിന്‍റെ അടിസ്ഥാനത്തിൽ നവംബർ 28 ഞായറാഴ്ച നാല് പേരുടെ ചുരുക്കപ്പട്ടിക തയ്യാറാക്കും. തുടർന്ന് സംവാദങ്ങളിലൂടെയും വോട്ടെടുപ്പിലൂടെയും ജൂറിയുടെ തെരഞ്ഞെടുപ്പിനും ശേഷം മീഡിയവൺ 'ഫെയ്സ് ഓഫ് കേരള' 2021ന്‍റെ പ്രഖ്യാപനം. ഡിസംബർ 31 ന് രാത്രി എട്ടിനാണ് വാർത്താമുഖത്തെ പ്രഖ്യാപിക്കുക.
ഈ വോട്ടെടുപ്പിൽ പങ്കുചേരാൻ പ്രേക്ഷകരെയും ഞങ്ങൾ ക്ഷണിക്കുകയാണ്.
ഇന്ന് രാത്രി 9 മണി മുതൽ വെള്ളിയാഴ്ച വൈകിട്ട് വരെ www.mediaoneonline.com എന്ന വെബ്സൈറ്റ് വഴി വോട്ട് രേഖപ്പെടുത്താം.