മീഡിയവൺ ഫേസ് ഓഫ് കേരള: അന്തിമ പട്ടിക ഇന്ന് പ്രഖ്യാപിക്കും

മീഡിയവൺ ഫേസ് ഓഫ് കേരളയിലെ നാലു പേരുടെ അന്തിമ പട്ടിക ഇന്ന് പ്രഖ്യാപിക്കും. പ്രേക്ഷകർ മീഡിയവൺ ഓൺലൈനിലൂടെ നടത്തിയ വോട്ടെടുപ്പ് വഴിയാണ് നാലു പേരെ തെരഞ്ഞെടുത്തത്. രണ്ടാംഘട്ട വോട്ടെടുപ്പ് ഇന്ന് രാത്രി 9 മുതൽ.

കഴിഞ്ഞ ഞായറാഴ്ചയാണ് ഫേസ് ഓഫ് കേരള 10 പേരടങ്ങുന്ന പ്രാഥമിക പട്ടിക പ്രഖ്യാപിച്ചത്. ആര്യ രാജേന്ദ്രൻ, ദീപ പി മോഹനൻ, ലയ രാജേഷ്, നിമിഷ സജയൻ, പിണറായി വിജയൻ, കെ സുധാകരൻ, ഫഹദ് ഫാസിൽ, ഷഹബാസ് അമൻ, പിആർ ശ്രീജേഷ്, പി. കൃഷ്ണപ്രസാദ് എന്നിവരാണ് ആ 10 പേർ.

ഇവരിൽ ഏറ്റവും കൂടുതൽ പ്രേക്ഷക വോട്ടുകൾ ലഭിച്ച നാല് പേരാണ് ചുരുക്ക പട്ടികയിൽ ഇടം പിടിക്കുക. കൂടാതെ നാല് പേരടങ്ങുന്ന വിദഗ്ധ സമിതിയെയും ഇന്ന് രാത്രി എട്ട് മണിക്ക് അറിയാം. ഡിസംബർ 31നാണ് ഈ വർഷത്തെ വാർത്താ താരത്തെ പ്രഖ്യാപിക്കുക.