പന്തളത്ത് DYFI പ്രവർത്തകനെയും കുടുംബത്തെയും വീട് കയറി ആക്രമിച്ചെന്ന് പരാതി

പന്തളം: പത്തനംതിട്ട പന്തളത്ത് ഡിവൈഎഫ്‌ഐ പ്രവർത്തകനെയും കുടുംബത്തെയും വീട് കയറി ആക്രമിച്ചെന്ന് പരാതി. ഡിവൈഎഫ്‌ഐ മുടിയൂർക്കോണം മേഖലാ ട്രഷറർ അരുൺകുമാറിനേയും കുടുംബത്തേയുമാണ് ആക്രമിച്ചത്.

ഞായറാഴ്ച പുലർച്ചെ 2 മണിക്ക് അക്രമികള്‍ വീടിന്റെ കതക് ചവിട്ടി പൊളിച്ച് വീട്ടിൽ കയറി ഉപദ്രവിക്കുകയായിരുന്നു.അച്ഛൻ പ്രസന്നന്റെ തലയ്ക്കും കൈക്കും പരിക്കേറ്റു. അരുണിന്റെ കാലിനാണ് വെട്ടേറ്റത്. അമ്മയ്ക്കും പരിക്കുണ്ട്. പോലീസ് കേസെടുത്ത് അന്വേഷണം ആരംഭിച്ചു.