പ്രകോപന മുദ്രാവാക്യം: പോപുലർ ഫ്രണ്ട് സംസ്ഥാന സമിതി അംഗം യഹ്‌യ തങ്ങൾ കസ്റ്റഡിയിൽ
പി.എഫ്.ഐ ജനമഹാസമ്മേളനത്തിന്റെ സെക്രട്ടറി ആയിരുന്നു യഹ്‌യ തങ്ങൾ. രാവിലെ എട്ട് മണിയോടെ യഹ്‌യ തങ്ങളെ കുന്നംകുളം സ്‌റ്റേഷനില്‍ നിന്നും ആലപ്പുഴയിലേക്ക് കൊണ്ടുപോയി.
Update: 2022-05-29 07:05 GMT
ആലപ്പുഴ: പ്രകോപന മുദ്രാവാക്യം വിളിച്ച കേസിൽ പോപ്പുലർ ഫ്രണ്ട് സംസ്ഥാന സമിതി അംഗം യഹ്‌യ തങ്ങൾ കസ്റ്റഡിയിൽ. തൃശൂരിൽ നിന്നാണ് ഇയാളെ കസ്റ്റഡിയിൽ എടുത്തത്. പി.എഫ്.ഐ ജനമഹാസമ്മേളനത്തിന്റെ സെക്രട്ടറി ആയിരുന്നു യഹ്‌യ തങ്ങൾ. രാവിലെ എട്ട് മണിയോടെ യഹ്‌യ തങ്ങളെ കുന്നംകുളം സ്‌റ്റേഷനില്‍ നിന്നും ആലപ്പുഴയിലേക്ക് കൊണ്ടുപോയി.
സംഭവത്തിൽ കുട്ടിയുടെ പിതാവ് അഷ്‌കർ ഉൾപ്പെടെയുള്ള നാലുപേരുടെ അറസ്റ്റ് കഴിഞ്ഞദിവസം രേഖപ്പെടുത്തിയിരുന്നു. കുട്ടിയെ സമ്മേളനത്തിനെത്തിച്ച പി.എഫ്.ഐ പള്ളുരുത്തി ഡിവിഷൻ ഭാരവാഹികളായ ഷമീർ, സുധീർ , മരട് ഡിവിഷൻ സെക്രട്ടറി നഹാസ് എന്നിവരും അറസ്റ്റിലായി. ഇവരെ മജിസ്‌ട്രേറ്റിന്റെ മുന്നിൽ ഹാജരാക്കും.
More To Watch: