പി.ടി ഉഷയുടെ പരിശീലകന്‍ ഒ.എം നമ്പ്യാര്‍ അന്തരിച്ചു

പ്രമുഖ പരിശീലകൻ ഒ.എം നമ്പ്യാർ അന്തരിച്ചു. പി.ടി ഉഷയുടെ കോച്ചായിരുന്ന ഒതയോത്ത് മാധവൻ നമ്പ്യാർ എന്ന ഒ.എം. നമ്പ്യാർ വടകര മണിയൂരിലെ വസതിയിൽ വെച്ചാണ് അന്തരിച്ചത്. 86 വയസായിരുന്നു. രാജ്യം പത്മശ്രീയും ദ്രോണാചാര്യയും നൽകി ആദരിച്ചിട്ടുണ്ട്.

ദീർഘ നാളുകളായി രോ​ഗബാധിതനായി കിടപ്പിലായിരുന്നു. അത്‍ലറ്റിക് പരിശിലകൻ എന്ന നിലയിലാണ് ഒ.എം നമ്പ്യാർ അന്താരാഷ്ട്ര പ്രസിദ്ധി കൈവരിക്കുന്നത്.

കണ്ണൂര്‍ സ്‌പോര്‍ട്‌സ് ഡിവിഷനില്‍ 1976 ലാണ് ഒ.എം നമ്പ്യാര്‍ ചുമതലയേൽക്കുന്നത്. സ്പോര്‍ട്സ് ഡിവിഷനിലേക്ക് തിരുവനന്തപുരത്ത് നടന്ന സെല്കഷനിടെയാണ് പി.ടി ഉഷയെ ഒ.എം നമ്പ്യാർ കണ്ടെത്തുന്നത്.