തൃശൂർ പുതുക്കാട് ചരക്ക് ട്രെയിന്‍ പാളം തെറ്റി

തൃശൂർ പുതുക്കാട് ഗുഡ്സ് ട്രെയിൻ പാളം തെറ്റി. ഗുഡ്സ് ട്രെയിനിന്റെ എൻജിനും നാല് ബോഗികളുമാണ് പാളം തെറ്റിയത്.  തൃശൂർ - എറണാകുളം റൂട്ടിൽ ട്രെയിൻ ഗതാഗതം തടസ്സപ്പെട്ടു. തൃശൂർ നിന്ന് പാലക്കാട് ഭാഗത്തേക്കുള്ള ട്രാക്കിലാണ് തടസം.  ഇരുമ്പനം ബി.പി.സി.എല്ലില്‍ ഇന്ധനം നിറക്കാൻ പോയ ട്രെയിനാണ് പാളം തെറ്റിയത്. എറണാകുളത്ത് നിന്ന് ക്രെയിൻ കൊണ്ട് വന്ന് ബോഗികൾ പാളത്തിലേക്ക് മാറ്റും. ട്രെയിന്‍ പാളംതെറ്റിയതിനെ തുടർന്ന് ഈ റൂട്ടിലുള്ള മറ്റു ട്രെയിനുകൾ വൈകും. തിരുവനന്തപുരത്തേക്കുള്ള കേരള എക്സ്പ്രസ് ഒറ്റപ്പാലത്ത് പിടിച്ചിട്ടിരിക്കുകയാണ്. വേണാട് എക്സ്പ്രസ് ഷൊർണ്ണൂരിൽ നിന്ന് പുറപ്പെടാൻ വൈകും. ജനശതാബ്ദി, ഇന്‍റര്‍ സിറ്റി എക്സ്പ്രസ് ട്രെയിനുകളും വൈകും. കോട്ടയം - നിലമ്പൂർ ട്രെയിൻ റദ്ദാക്കാനും സാധ്യതയുണ്ട്.