'മ': ലൗ- ലെഗസി- ലിറ്ററേച്ചർ; മലപ്പുറത്തിന്റെ വൈവിധ്യങ്ങളുടെ ആഘോഷവുമായി യൂത്ത് ലീ​ഗ്

മലപ്പുറം: മലപ്പുറത്തിന്റെ വൈവിധ്യങ്ങൾ ആഘോഷിക്കുന്ന 'മ': ലൗ- ലെഗസി- ലിറ്ററേച്ചർ എന്ന ശീർഷകത്തിൽ മലപ്പുറം ലിറ്ററേച്ചർ ആന്റ് കൾച്ചറൽ ഫെസ്റ്റിവലുമായി മുസ്‌ലിം യൂത്ത് ലീ​ഗ്. 2025 ജനുവരിയിൽ മലപ്പുറത്താണ് പരിപാടി.

മലപ്പുറത്തിന്റെ ചരിത്രം, സാഹിത്യം, സംസ്കാരം തുടങ്ങി സർവ മേഖലകളെയും ആഴത്തിൽ സ്പർശിക്കുന്ന വിധത്തിലാണ് സാഹിത്യോത്സവമെന്ന് സംഘാടകർ അറിയിച്ചു. 'വൈവിധ്യങ്ങളെ ആഘോഷിക്കുന്നു' എന്ന പ്രമേയത്തിൽ ഫെസ്റ്റിവലിനു മുന്നോടിയായി വിവിധ പ്രീ-ഇവന്റ്സുകൾ സംവിധാനിച്ചിട്ടുണ്ട്.

ഒപ്പം മലപ്പുറത്തിന്റെ ചരിത്ര വർത്തമാനങ്ങൾ സമഗ്രമായി അന്വേഷിക്കുന്ന ചരിത്ര രചന, പ്രാദേശിക ചരിത്ര സമാഹരണം എന്നിവയും നടത്തും. അപരവൽക്കരണത്തിന്റെയും അപനിർമിതകളുടേയും കാലത്ത് മലപ്പുറത്തിന്റെ വൈവിധ്യങ്ങൾ ആഘോഷിക്കുന്ന ഫെസ്റ്റിവൽ ചേർന്നുനിൽപ്പിന്റെ പുതിയൊരു ഇടം തുറക്കുമെന്നും സംഘാടകർ പറഞ്ഞു.