പേരക്കുട്ടിയുടെ മുന്നില്‍ വച്ച് അമ്മയെ മകന്‍ ക്രൂരമായി ബലാത്സംഗം ചെയ്തു
വീട്ടില്‍ കിടന്നുറങ്ങുകയായിരുന്ന അമ്മയെ മകന്‍ ആക്രമിക്കുകയായിരുന്നു. ഇത് എതിര്‍ത്തതോടെ അവരുടെ കഴുത്തില്‍ ബലമായി പിടിച്ചായിരുന്നു പീഡനം.
മധ്യപ്രദേശില്‍ ഏഴു വയസുകാരനായ പേരക്കുട്ടിയുടെ മുന്നില്‍വച്ച് 45കാരിയായ അമ്മയെ 30കാരനായ മകന്‍ ക്രൂരമായി ബലാത്സംഗം ചെയ്തു. ബര്‍വാനി ജില്ലയിലെ സുറാനി ഗ്രാമത്തിലാണ് സംഭവം.
സെപ്തംബര്‍ 2നായിരുന്നു ഈ ഞെട്ടിക്കുന്ന സംഭവം നടന്നത്. ഇവരുടെ ശാരീരിക വൈകല്യമുള്ള ഭര്‍ത്താവ് വീട്ടില്‍ ഇല്ലാതിരുന്ന സമയത്തായിരുന്നു ആക്രമണം. വീട്ടില്‍ കിടന്നുറങ്ങുകയായിരുന്ന അമ്മയെ മകന്‍ ആക്രമിക്കുകയായിരുന്നു. ഇത് എതിര്‍ത്തതോടെ അവരുടെ കഴുത്തില്‍ ബലമായി പിടിച്ചായിരുന്നു പീഡനമെന്ന് സെന്‍ത്വാ പൊലീസ് സ്റ്റേഷന്‍ ഇന്‍ചാര്‍ജ്ജ് ദിനേശ് ചൌഹാന്‍ പറഞ്ഞു.
ഭാര്യയുമായി പിരിഞ്ഞ ശേഷം മൂന്ന് മക്കളുമായി മാതാപിതാക്കള്‍‌ക്കൊപ്പമാണ് പ്രതി കഴിഞ്ഞിരുന്നത്. മുത്തശ്ശിയെ പീഡിപ്പിക്കുന്നത് കൊച്ചുമകന്‍ കണ്ടെങ്കിലും പേടിച്ച് മിണ്ടാതിരിക്കുകയായിരുന്നു. സംഭവത്തിന് ശേഷം വീട്ടില്‍ നിന്നും കൊച്ചുമക്കളെയും കൂട്ടി അടുത്തുള്ള കൃഷിസ്ഥലത്തേക്ക് ഇവര്‍ ഓടിപ്പോയി. പീന്നിട് പീഡനവിവരം ബന്ധുക്കളെ അറിയിക്കുകയും തൊട്ടടുത്ത ദിവസം പൊലീസില്‍ പരാതിപ്പെടുകയുമായിരുന്നു. പ്രതിയെ കഴിഞ്ഞ ദിവസം പൊലീസ് അറസ്റ്റ് ചെയ്തു.