കോവിഡ് വ്യാപനം രൂക്ഷമായപ്പോഴും കിടക്കകളുടെ എണ്ണം കേന്ദ്ര സർക്കാർ കുറച്ചെന്ന് പ്രിയങ്ക ഗാന്ധി

കോവിഡ് രണ്ടാം തരംഗം രൂക്ഷമായപ്പോഴും ആശുപത്രികളിലെ ഓക്സിജൻ, ഐ.സി.യു, വെന്റിലേറ്റർ കിടക്കകൾ കുറച്ച കേന്ദ്ര സർക്കാർ തീരുമാനത്തെ വിമർശിച്ച് കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി. കഴിഞ്ഞ വർഷം സെപ്റ്റംബർ മുതൽ ഈ വർഷം ജനുവരി വരെ ഓക്സിജൻ കിടക്കകൾ 36 ശതമാനവും ഐ.സി.യു കിടക്കകൾ 46 ശതമാനവും വെന്റിലേറ്റർ കിടക്കകളുടെ എണ്ണം 28 ശതമാനവും കുറയ്ക്കുകയാണ് ചെയ്തതെന്ന് അവർ ട്വിറ്ററിൽ കുറിച്ചു.