2020ലെ ഒളിമ്പിക്സിൽ മെഡൽ നേടുമെന്ന് ശ്രീജേഷ്.
Update: 2017-05-30 03:16 GMT
ഹോക്കിയിലെ ഇന്ത്യയുടെ റാങ്കിംഗ് മെച്ചപ്പെടുത്തും.സര്‍ക്കാര്‍ ജോലിയുടെ കാര്യത്തില്‍ കേരളത്തില്‍ കായിക താരങ്ങള്‍ അവഗണന നേരിടേണ്ടി വരുന്നത് ദു:ഖകരമാണെന്നും ശ്രീജേഷ്
2020ലെ ഒളിമ്പിക്സില്‍ മെഡല്‍ നേടുകയാണ് ലക്ഷ്യമെന്ന് ഇന്ത്യൻ ഹോക്കി ടീം ക്യാപ്റ്റൻ ശ്രീജേഷ്.ഹോക്കിയിലെ ഇന്ത്യയുടെ റാങ്കിംഗ് മെച്ചപ്പെടുത്തും.സര്‍ക്കാര്‍ ജോലിയുടെ കാര്യത്തില്‍ കേരളത്തില്‍ കായിക താരങ്ങള്‍ അവഗണന നേരിടേണ്ടി വരുന്നത് ദു:ഖകരമാണെന്നും ശ്രീജേഷ് വ്യക്തമാക്കി.
റിയോ ഒളിംമ്പിക്സില്‍ ഇന്ത്യൻ ഹോക്കി ടീമിൻറ പ്രകടനം മികച്ചതായിരുന്നു.2020ലെ ടോക്യോ ഒളിമ്പിക്സില്‍ മെഡല്‍ നേടുകയാണ് ഇനിയുളള ലക്ഷ്യം.മെഡല്‍ സ്വപ്നം യാഥാര്‍ത്ഥ്യമാകുമെന്നും ഇന്ത്യൻ ഹോക്കി ടീം ക്യാപ്റ്റൻ ഉറപ്പിക്കുന്നു
സര്‍ക്കാര്‍ ജോലിയുടെ കാര്യത്തിലടക്കം കേരളത്തില്‍ കായികതാരങ്ങള്‍ നേരിടുന്ന അവഗണനയോടുളള അമര്‍ഷം ശ്രീജേഷ് മറച്ചുവച്ചില്ല.
കേരളത്തില്‍ മികവുറ്റ ഹോക്കി കളിക്കാരുണ്ട്.എന്നാല്‍ ഇവര്‍ക്ക് ലഭിക്കുന്ന അവസരങ്ങള്‍ വളരെ കുറവാണെന്നും ശ്രീജേഷ് ചൂണ്ടിക്കാട്ടി.