ടെന്നീസില്‍ ആന്‍ഡി മറെക്ക് സ്വര്‍ണം
Update: 2018-05-09 10:50 GMT
10 എയ്സുകളും 46 വിന്നറുകളുമാണ് മറെ ഡെല്‍പോട്രോക്കെതിരെ ഉതിര്‍ത്തത്. ലണ്ടന്‍ ഒളിംപിക്സിലും ടെന്നീസ് സിംഗിള്‍സില്‍ സ്വര്‍ണ്ണം മറെക്കായിരുന്നു.
ഒളിംപിക്സ് ടെന്നീസില്‍ പുരുഷ വിഭാഗം സിംഗിള്‍സില്‍ ബ്രിട്ടന്റെ ആന്‍ഡി മറെക്ക് സ്വര്‍ണ്ണം. ഫൈനലില്‍ അര്‍ജന്‍റീനയുടെ യുവാന്‍ മാര്‍ട്ടിന്‍ ഡെല്‍പോട്രോയെ ഒന്നിനെതിരെ മൂന്ന് സെറ്റുകള്‍ക്കാണ് മറെ പരാജയപ്പെടുത്തിയത്.
7-5, 4-6, 6-2, 7-5 എന്ന സ്കോറിനായിരുന്നു മറെയുടെ ജയം. 10 എയ്സുകളും 46 വിന്നറുകളുമാണ് മറെ ഡെല്‍പോട്രോക്കെതിരെ ഉതിര്‍ത്തത്. ലണ്ടന്‍ ഒളിംപിക്സിലും ടെന്നീസ് സിംഗിള്‍സില്‍ സ്വര്‍ണ്ണം മറെക്കായിരുന്നു. മറെയുടെ സ്വര്‍ണ്ണത്തോടെ ബ്രിട്ടണ്‍ ചൈനയെ പിന്തള്ളി മെഡല്‍ നിലയില്‍ രണ്ടാമതെത്തി.