ലാ ​ലി​ഗ​യി​ൽ ബാ​ഴ്​​സ​ലോ​ണ​ക്ക്​ അപൂര്‍വ്വ റെക്കോഡ്; മെസിക്ക് നാല്‍പതാം ഹാട്രിക്ക്

1979-80 സീ​സ​ണി​ൽ റ​യ​ൽ സൊ​സീ​ഡാ​ഡ്​ ന​ട​ത്തി​യ ​ഐതി​ഹാ​സി​ക കു​തി​​പ്പി​നൊ​പ്പ​മാ​ണ്​ (38) ബാ​ഴ്​​സ എത്തിയിരിക്കുന്നത്. ഈ ​സീ​സ​ണി​ൽ 31ക​ളി ജ​യി​ച്ച ബാഴ്സലോണ ക​ഴി​ഞ്ഞ സീ​സ​ണി​ലെ അ​വ​സാ​ന ഏ​ഴു​ മ​ത്സ​ര​ത്തി​ലും തോ​ൽ​വി​യ​റി​ഞ്ഞി​ട്ടി​ല്ല...

ല​യ​ണ​ൽ മെ​സ്സി​യു​ടെ ഹാ​ട്രി​ക്​​ മി​ക​വി​ൽ സ്​​പാ​നി​ഷ്​ ലാ ​ലി​ഗ​യി​ൽ ബാ​ഴ്​​സ​ലോ​ണ​ക്ക്​ അ​പ​രാ​ജി​ത കു​തി​പ്പ്. ലെ​ഗാ​ന​സി​നെ 3-1ന്​ ​വീ​ഴ്​​ത്തിയ ബാ​ഴ്​​സ ര​ണ്ട്​ സീ​സ​ണി​ലാ​യി തോ​ൽ​വി​യ​റി​യാ​തെ 38 മ​ത്സ​രങ്ങളും പൂര്‍ത്തിയാക്കി.

1979-80 സീ​സ​ണി​ൽ റ​യ​ൽ സൊ​സീ​ഡാ​ഡ്​ ന​ട​ത്തി​യ ​ഐതി​ഹാ​സി​ക കു​തി​​പ്പി​നൊ​പ്പ​മാ​ണ്​ (38) ബാ​ഴ്​​സ എത്തിയിരിക്കുന്നത്. ഈ ​സീ​സ​ണി​ൽ 31ക​ളി ജ​യി​ച്ച ബാഴ്സലോണ ക​ഴി​ഞ്ഞ സീ​സ​ണി​ലെ അ​വ​സാ​ന ഏ​ഴു​ മ​ത്സ​ര​ത്തി​ലും തോ​ൽ​വി​യ​റി​ഞ്ഞി​ട്ടി​ല്ല.

ലെ​ഗാ​ന​സി​നെ​തി​രെ നു​കാം​പി​ൽ ആ​ദ്യ പ​കു​തി​യി​ൽ ര​ണ്ടു ഗോ​ളു​ക​ൾ നേ​ടി​യ മെ​സ്സി ക​ളി​തീ​രാ​ൻ മൂ​ന്നു മി​നി​റ്റ്​ ശേ​ഷി​ക്കേ മൂ​ന്നാം വ​ട്ട​വും വ​ല​കു​ലു​ക്കി. ക​രി​യ​റി​ൽ മെ​സ്സി​യു​ടെ നാല്‍പതാം ഹാ​ട്രി​ക്കാ​ണി​ത്. ലാ​ലി​ഗ​യി​ലെ 29ആമത്തേയും. 68ആം മി​നി​റ്റി​ല്‍ ന​ബീ​ൽ എ​ല്‍സാ​റി​ലൂ​ടെ ലെ​ഗ​നെ​സ് ഒ​രു ഗോ​ള്‍ മ​ട​ക്കി​യെ​ങ്കി​ലും ബാ​ഴ്‌​സ​ക്കെ​തി​രെ വെ​ല്ലു​വി​ളി ഉ​യ​ർ​ത്താ​നാ​യി​ല്ല.

30 വാ​രെ അ​ക​ലെ​നി​ന്ന്​ മെ​സ്സി നേ​ടി​യ അ​തി മ​നോ​ഹ​ര​മാ​യ ഒ​രു ഫ്രീ​കി​ക്കി​ലൂ​ടെ​യാ​ണ്​ ആ​ദ്യ​ഗോ​ൾ പി​റ​ന്ന​ത്. 2006-2007 സീ​സ​ണി​ൽ ​റൊ​ണാ​ൾ​ഡീ​ന്യോ നേ​ടി​യ ആ​റ്​ ഫ്രീ​കി​ക്ക്​ ഗോ​ളു​ക​ൾ​ക്കു​ശേ​ഷം ഈ ​നേ​ട്ടം കൈ​വ​രി​ക്കു​ന്ന ആ​ദ്യ താ​ര​വും മെ​സ്സി​യാ​ണ്. ഇ​തോ​ടെ ലീ​ഗി​ലെ മെ​സ്സി​യു​ടെ ഗോ​ൾ സ​മ്പാ​ദ്യം 29 ആ​യി.

സീ​സ​ണി​ൽ ഏ​ഴ്​ മ​ത്സ​ര​ങ്ങ​ൾ ബാ​ക്കി നി​ൽ​ക്കേ 79 പോ​യ​ൻ​റു​ള്ള ബാ​ഴ്​​സ​ലോ​ണ​ക്ക്​ ര​ണ്ടാം സ്​​ഥാ​ന​ക്കാ​രാ​യ അ​ത്​​ല​റ്റി​കോ മ​ഡ്രി​ഡി​നെ​ക്കാ​ൾ 11 പോയിന്‍റ് ലീ​ഡാ​യി. വ​ല​ൻ​സി​യ(65) മൂ​ന്നും റ​യ​ൽ മ​ഡ്രി​ഡ്​(64) നാ​ലും സ്​​ഥാ​ന​ത്താ​ണ്.