ഒളിമ്പിക്​സ്​ ഫുട്​ബോൾ: ഫ്രഞ്ച്​ പഞ്ചിൽ അർജൻറീന പുറത്ത്​

പാരിസ്​: സ്​​റ്റേഡിയത്തെ ചൂടുപിടിപ്പിച്ച ഒളിമ്പിക്​സ്​ ഫുട്​ബോൾ ക്വാർട്ടറിൽ പോരിൽ അർജൻറീനയെ വീഴ്​ത്തി ​ഫ്രാൻസ്​ സെമിയിൽ. മത്സരത്തി​െൻറ അഞ്ചാം മിനുറ്റിൽ ജീൻ ഫിലിപ്പ്​ മറ്റേറ്റയുടെ ഹെഡർ ഗോളിൽ മുന്നിലെത്തിയ ​ഫ്രഞ്ച്​ പടക്ക്​ തിരിച്ചടി നൽകാൻ നീലപ്പടക്കായില്ല. സെമിയിൽ ഈജിപ്​താണ്​ ഫ്രാൻസി​െൻറ എതിരാളികൾ.

മത്സരത്തി​െൻറ 88ാം മിനുറ്റിൽ ഫ്രാൻസിനായി മൈക്കൽ ഒലിസ്​ രണ്ടാം ഗോൾ നേടിയെങ്കിലും വാർ പരിശോധനയിൽ നിഷേധിക്കുകയായിരുന്നു. മത്സരത്തി​െൻറ ഫൈനൽ വിസിൽമുഴങ്ങിയതിന്​ പിന്നാലെ ഇരുടീമുകളുടെയും അംഗങ്ങളും കോച്ചിങ്​ സ്​റ്റാഫും മൈതാനത്ത്​ ഏറ്റുമുട്ടി. ഫ്രഞ്ച്​ താരം എൻസോ മില്ലോട്ടി​െൻറ ആഘോഷം അർജൻറീന താരങ്ങളെ ക്ഷുഭിതരാക്കിയെന്നാണ്​​ വിവരം. മത്സരത്തിൽ സബ്​സ്​റ്റിറ്റ്യൂട്ട്​ ചെയ്യപ്പെട്ട മില്ലോട്ടിന്​ റെഡ്​ കാർഡ്​​ ലഭിച്ചതോടെ സെമിയിൽ താരത്തിന്​ കളത്തിലിറങ്ങാനാകില്ല.

മത്സരത്തിന്​ വിസിലുയർന്നത് മുതൽ​ ഫ്രഞ്ച്​ കാണികൾ അർജൻറീന താരങ്ങളെ കൂവിവിളിച്ചിരുന്നു. ഖത്തർ ലോകകപ്പ്​ ഫൈനലിൽ ഉടലെടുത്ത ഫ്രാൻസ്​-അർജൻറീന ഫുട്​ബോൾ വൈരം പുതിയ ഉയരങ്ങളിലെത്തുന്നതാണ്​ ഒളിമ്പിക്​സ്​ സ്​​റ്റേഡിയങ്ങൾ കണ്ടത്​.

മറ്റുക്വാർട്ടർ ഫൈനലുകളിൽ പരഗ്വായെ ഈജിപ്​ത്​ ഷൂട്ടൗട്ടിലാണ്​ മറികടന്നത്​. ജപ്പാനെ എതിരില്ലാത്ത മൂന്നുഗോളിന്​ തോൽപ്പിച്ച സ്​പെയിനും യു.എസിനെ എതിരില്ലാത്ത നാലുഗോളിന്​ തോൽപ്പിച്ച മൊറോക്കോയും തമ്മിലാണ്​ രണ്ടാം സെമിയിൽ ഏറ്റുമുട്ടുക.