പത്തൊമ്പതുകാരന്‍ ടൊഡിബോയെ സ്വന്തമാക്കി ബാഴ്സ

ഫ്രാൻസിന്റെ ജീൻ ക്ലെയർ ടൊഡിബോയെ ടീമിലെത്തിച്ച് ബാഴ്സലോണ. ഫ്രഞ്ച് ക്ലബായ ടൊളോസിലെ കരാർ അവസാനിച്ചരിക്കെ, ഫ്രീ ട്രാൻസ്ഫറിലൂടെയാണ് ഈ പത്തൊമ്പതുകാരനെ ബാഴ്സ സ്വന്തമാക്കിയത്. രണ്ട് മില്യൺ യൂറോയുടെ കരാറിലാണ് ടോഡിബ ന്യൂ കാമ്പില്‍ പന്തു തട്ടാനെത്തുന്നത്.

2022-23 വരെ അടുത്ത നാലു സീസണുകളിലേക്കാണ് ടൊഡിബോയുമായി ബാഴ്സ കരാറിലെത്തിയത്. ക്ലബിൽ ആറാം നമ്പർ ജഴ്സിയിലായിരിക്കും ഈ ഡിഫൻഡർ ബൂട്ട് കെട്ടുക. കഴിഞ്ഞ ആഗസ്റ്റിൽ തന്റെ അരങ്ങേറ്റം കുറിച്ച ടൊഡിബോ, ഫ്രാൻസിന്റെ അണ്ടർ-20 ടീമിലും കളിച്ചിട്ടുണ്ട്. നേരത്തെ, ടൊഡിബയെ ഫ്രീ ട്രാൻസ്ഫറിലൂടെ ടീമിലെടുത്ത ബാഴ്സയുടെ നടപടിക്കെതിരെ എഫ്.സി ടൊളോസ് പ്രസിഡന്റ് ഒലിവർ സദ്റാൻ രംഗത്തു വന്നിരുന്നു.