കാദറലി സെവൻസ് ഫുട്ബാളിൽ ഷാർജ ഫാൽക്കൺ ഷൂട്ടേഴ്‌സ് ജേതാക്കൾ

ദുബൈയിൽ നടന്ന കാദറലി ട്രോഫി സെവൻസ് ഫുട്‌ബോൾ ടൂർണ്ണമെന്റിൽ ഷാർജ ഫാൽക്കൺ ഷൂട്ടേർസ് ജേതാക്കളായി. രണ്ടിനെതിരെ മൂന്നു ഗോളുകൾക്ക് സ്ളൈഡേർസ് എഫ്.സിയെയാണ് ഫൈനലിൽ ഫാൽക്കൺ ഷൂട്ടേർസ് പരാജയപ്പെടുത്തിയത്.

സക്‌സസ് പോയിന്റ് കോളേജ് മൂന്നാം സ്ഥാനം കരസ്ഥമാക്കി. പെരിന്തൽമണ്ണ മുനിസിപ്പൽ കൗൺസിലർ പച്ചീരി ഫാറൂഖ്, കൗൺസിലർ സുബ്രമണ്യൻ എന്നിവർ ട്രോഫികൾ വിതരണം ചെയ്തു. രണ്ടുദിവസം നീണ്ട ടൂർണമെന്റിൽ 24 ടീമുകൾ മാറ്റുരച്ചു. ടൂർണമെന്റിന്റെ വരുമാനം കാദറലി ക്ലബ്ബിന്റെ നാട്ടിലെ പാലിയേറ്റീവ് പ്രവർത്തനങ്ങൾക്ക് ആംബുലൻസ് വാങ്ങുന്നതിനാണ് പ്രയോജനപ്പെടുത്തുക.