ഫയർ സ്റ്റണ്ടിനിടെ താടിക്ക് തീപിടിച്ചു; യുവാവ് തലനാരിഴക്ക് രക്ഷപ്പെട്ടു

ന്യൂഡൽഹി: ഫയർ സ്റ്റണ്ടിങ്ങിനിടെ യുവാവിന്റെ താടിയിൽ തീപിടിച്ചു. പെട്രോളും തീയും ഉപയോഗിച്ച് അപകടകരമായ സ്റ്റണ്ട് നടത്തുന്നതും തുടർന്ന് തീപിടിക്കുന്നതുമായ വീഡിയോ സോഷ്യൽമീഡിയയിൽ വൈറലായി.

സ്റ്റണ്ട് കാണാൻ നിരവധി പേർ ചുറ്റും കൂടിയിരുന്നു. മേശക്ക് മുകളിൽ തീപന്തവുമായി നിൽക്കുകയായിരുന്നു യുവാവ്. തീപന്തവും കൈയിൽ പിടിച്ച് വായയിൽ നിന്ന് പെട്രോൾ പുറത്തേക്ക് തുപ്പുമ്പോഴായിരുന്നു തീപടർന്നത്.  പെട്ടന്ന് താടിക്ക് തീപിടിക്കുകയായിരുന്നു. ഇതുകണ്ട കാണികളാണ് ഓടിയെത്തി തീയണച്ചത്.

രവി പതിദാർ എന്ന ഉപയോക്താവാണ് വീഡിയോ ഇത് ഇൻസ്റ്റാഗ്രാമിൽ ഷെയർ ചെയത്. വീഡിയോ ഇതുവരെ 12 ദശലക്ഷത്തിലധികം ആളുകൾ കണ്ടിട്ടുണ്ട്. യുവാവിന്‍റെ പ്രവൃത്തിയില്‍ പലരും രോഷം പ്രകടിപ്പിച്ചു. അപകടരമായ ഇത്തരം കാര്യങ്ങളെ പ്രോത്സാഹിപ്പിക്കരുതെന്നും ആളുകള്‍ കമന്‍റു ചെയ്തു. ഒക്ടോബര്‍ ആറിനാണ് ഈ സംഭവം നടന്നത്.