ഈ സ്നേഹത്തിന് ജനങ്ങൾക്ക് മുന്നിൽ വണങ്ങുന്നു: നരേന്ദ്ര മോദി

ന്യൂഡൽഹി: എൻ.ഡി.എയിൽ വിശ്വാസമർപ്പിച്ച ജനങ്ങളെ വണങ്ങുകയാണെന്ന് പ്രധാനമന്ത്രി നരേന്ദ്ര മോദി. ‘തുടർച്ചയായ മൂന്നാം തവണയും ജനങ്ങൾ എൻ.ഡി.എയിൽ വിശ്വാസമർപ്പിച്ചു. ഇത് ഇന്ത്യൻ ചരിത്രത്തിലെ ചരിത്ര നേട്ടമാണ്. ഈ സ്നേഹത്തിന് ഞാൻ ഭൂരിഭാഗം വരുന്ന ജനങ്ങൾക്ക് മുന്നിൽ വണങ്ങുന്നു.

ജനങ്ങളുടെ അഭിലാഷങ്ങൾ നിറവേറ്റാനായി കഴിഞ്ഞ ദശകത്തിൽ ചെയ്ത നല്ല പ്രവർത്തനങ്ങൾ തുടരുമെന്ന് ഉറപ്പ് നൽകുകയാണ്. കഠിനാധ്വാനം ചെയ്ത എല്ലാ പ്രവർത്തകരെയും അഭിവാദ്യം ചെയ്യുന്നു. അവരുടെ അസാധാരണമായ പരി​​ശ്രമങ്ങൾക്ക് വാക്കുകൾ ഒരിക്കലും നീതി പുലർത്തില്ല’ -നരേന്ദ്ര മോദി എക്സിൽ കുറിച്ചു. ആന്ധ്രാ ​പ്രദേശിലെയും ഒഡിഷയിലെയും നിയമസഭാ​ തെരഞ്ഞെടുപ്പിൽ ബി.ജെ.പിയെ വിജയിപ്പിച്ച ജനങ്ങളോട് അദ്ദേഹം നന്ദി പറയുകയും​ ചെയ്തു.

291 സീറ്റാണ് ഇത്തവണ എൻ.ഡി.എ നേടിയത്. 204 സീറ്റാണ് ബി.ജെ.പിക്ക്. വീണ്ടും സർക്കാർ രൂപീകരിക്കാനുള്ള ​ശ്രമങ്ങൾ ബി.ജെ.പി ആരംഭിച്ചിട്ടുണ്ട്. നരേന്ദ്ര മോദി അൽപ്പസമയത്തിനകം പ്രവർത്തകരെ അഭിസംബോധന ചെയ്യുമെന്നാണ് റിപ്പോർട്ട്.