പ്രിയ അലന്‍സിയര്‍, നിങ്ങളാണ് മഹാനടന്‍ , അഭിനന്ദന പ്രവാഹവുമായി സോഷ്യല്‍ മീഡിയ

സാംസ്കാരിക മേഖലയിലെ പ്രമുഖര്‍ ഇതിനെതിരെ രംഗതെത്തിയിട്ടും പ്രതികരിക്കാത്ത സൂപ്പര്‍ സ്റ്റാറുകളോടുള്ള അമര്‍ഷം കൂടി രേഖപ്പെടുത്തിയാണ് സോഷ്യല്‍ മീഡിയ അലന്‍സിയറിനെ അഭിനന്ദനങ്ങള്‍ കൊണ്ട് മൂടിയിട്ടുള്ളത്....

മലയാളികളുടെ പ്രിയ സംവിധായകന്‍ കമലിനോട് പാകിസ്താനിലേക്ക് പോകാന്‍ പറഞ്ഞ സംഘപരിവാര്‍ ഭീഷണിക്ക് നടന്‍ അലന്‍സിയര്‍ നടത്തിയ ഒറ്റയാള്‍ പ്രതിഷേധത്തിലൂടെ നല്‍കിയ മറുപടിക്ക് സോഷ്യല്‍ മീഡിയയില്‍ വന്‍ സ്വീകരണം. രാഷ്ട്രീയ , സാംസ്കാരിക മേഖലയിലെ പ്രമുഖര്‍ ഇതിനെതിരെ രംഗതെത്തിയിട്ടും പ്രതികരിക്കാത്ത സൂപ്പര്‍ സ്റ്റാറുകളോടുള്ള അമര്‍ഷം കൂടി രേഖപ്പെടുത്തിയാണ് സോഷ്യല്‍ മീഡിയ അലന്‍സിയറിനെ അഭിനന്ദനങ്ങള്‍ കൊണ്ട് മൂടിയിട്ടുള്ളത്. മെഗാസ്റ്റാറും കംപ്ലീറ്റ് ആക്റ്ററും ജനപ്രിയ നായകനുമെല്ലാം എവിടെയന്ന് ഒരു ഫേസ്ബുക്ക് പോസ്റ്റ് ചോദിക്കുന്നു.