ഉ​മാ ഭാ​ര​തി​യു​ടെ അ​യോ​ധ്യാ സ​ന്ദ​ർ​ശ​നം മാ​റ്റി​വ​ച്ചു

പ്ര​ധാ​ന​മ​ന്ത്രി ന​രേ​ന്ദ്ര മോ​ദി വി​ളി​ച്ചു ചേ​ർ​ത്ത പാ​ർ​ട്ടി കോ​ർ ഗ്രൂ​പ്പ് യോ​ഗ​ത്തി​ല്‍ വ​ർ​ഗീ​യ വി​ദ്വേ​ഷം പ​ര​ത്തു​ന്ന പ്ര​സ്താ​വ​ന​ക​ളും ന​ട​പ​ടി​ക​ളും നേ​താ​ക്ക​ളു​ടെ ഭാ​ഗ​ത്തു​നി​ന്നും ഉ​ണ്ടാ​വ​രു​തെ​ന്ന് നി​ർ​ദേ​ശി​ച്ചി​രു​ന്നു

കേ​ന്ദ്ര​മ​ന്ത്രി ഉ​മാ ഭാ​ര​തി​യു​ടെ അ​യോ​ധ്യാ സ​ന്ദ​ർ​ശ​നം മാ​റ്റി​വ​ച്ചു. ബി.​ജെ.​പി ദേ​ശീ​യ അ​ധ്യ​ക്ഷ​ൻ അ​മി​ത് ഷാ​യു​മാ​യു​ള്ള കൂ​ടി​ക്കാ​ഴ്ച​യ്ക്കു ശേ​ഷ​മാ​ണ് ഉ​മാ ഭാ​ര​തി യാ​ത്ര​മാ​റ്റി​യ​ത്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി വി​ളി​ച്ചു ചേ​ർ​ത്ത പാ​ർ​ട്ടി കോ​ർ ഗ്രൂ​പ്പ് യോ​ഗ​ത്തി​ല്‍ വ​ർ​ഗീ​യ വി​ദ്വേ​ഷം പ​ര​ത്തു​ന്ന പ്ര​സ്താ​വ​ന​ക​ളും ന​ട​പ​ടി​ക​ളും നേ​താ​ക്ക​ളു​ടെ ഭാ​ഗ​ത്തു​നി​ന്നും ഉ​ണ്ടാ​വ​രു​തെ​ന്ന് നി​ർ​ദേ​ശി​ച്ചി​രു​ന്നു. ബി​.ജെ.​പി​യു​ടെ ഉ​ന്ന​ത നേ​താ​ക്ക​ളും ഭാ​ര​തി​യു​ടെ അ​യോ​ധ്യാ സ​ന്ദ​ർ​ശ​ന​ത്തെ വി​ല​ക്കി​യി​രു​ന്നു.
എ​ന്നാ​ൽ ത​ദ്ദേ​ശ തെ​ര​ഞ്ഞെ​ടു​പ്പ് അ​ടു​ത്ത​തി​നാ​ലാ​ണ് ഡ​ൽ​ഹി വി​ടാ​ത്ത​തെ​ന്നാ​ണ് ഉ​മാ ഭാ​ര​തി​യു​ടെ വി​ശ​ദീ​ക​ര​ണം. ബാ​ബ​റി മ​സ്ജി​ദ് കേ​സി​ൽ വി​ചാ​ര​ണ നേ​രി​ട​ണ​മെ​ന്നു സു​പ്രീം കോ​ട​തി വി​ധി​ച്ച​തി​നു പി​ന്നാ​ലെ​യാ​ണ് അ​യോ​ധ്യ​യി​ലേ​ക്ക് ഇ​ന്ന് രാ​ത്രി​ത​ന്നെ പോ​കു​മെ​ന്ന് ഉമാഭാരതി വ്യ​ക്ത​മാ​ക്കി​യ​ത്. ട്രെ​യി​ൻ ടി​ക്ക​റ്റ് ബു​ക്ക് ചെ​യ്യു​ക​യും ചെ​യ്തു. ബാ​ബ​റി മ​സ്ജി​ദ് കേ​സി​ൽ വി​ചാ​ര​ണ നേ​രി​ടാ​നും ജ​യി​ലി​ൽ പോ​കാ​നും ത​യാ​റാണെ​ന്നും അ​യോ​ധ്യ​യി​ൽ രാ​മ​ക്ഷേ​ത്രം പ​ണി​യു​മെ​ന്നും അ​വ​ർ വ്യ​ക്ത​മാ​ക്കി​യി​രു​ന്നു.
ബാ​ബ​റി മ​സ്ജി​ദ് ഗൂ​ഡാ​ലോ​ച​ന​ക്കേ​സി​ൽ ബി​ജെ​പി​യു​ടെ മു​തി​ർ​ന്ന നേ​താ​ക്ക​ളാ​യ എ​ല്‍. കെ.​അ​ഡ്വാ​നി, മു​ര​ളി മ​നോ​ഹ​ർ ജോ​ഷി, ഉ​മാ ഭാ​ര​തി എ​ന്നി​വ​ർ അ​ട​ക്ക മു​ള്ള 13 പേ​ർ വി​ചാ​ര​ണ നേ​രി​ട​ണ​മെ​ന്നാ​ണ് സു​പ്രീം കോ​ട​തി വി​ധി. ഗൂ​ഢാ​ലോ​ച​ന​ക്കു​റ്റം പു​നഃ​സ്ഥാ​പി​ക്ക​ണ​മെ​ന്ന സി.​ബി.​ഐ​യു​ടെ അ​പേ​ക്ഷ സു​പ്രീം കോ​ട​തി അം​ഗീ​ക​രി​ക്കു​ക​യാ​യി​രു​ന്നു.