15 കാരിയെ ബലാത്സംഗം ചെയ്തു കൊന്ന് മരത്തില്‍ കെട്ടിയിട്ട നിലയില്‍
Update: 2018-04-22 03:46 GMT
ഉത്തര്‍പ്രദേശില്‍ കൗമാരക്കാരിയെ തട്ടിക്കൊണ്ടുപോയി കൂട്ട ബലാത്സംഗം ചെയ്തു കൊലപ്പെടുത്തി.
ഉത്തര്‍പ്രദേശില്‍ കൗമാരക്കാരിയെ തട്ടിക്കൊണ്ടുപോയി കൂട്ട ബലാത്സംഗം ചെയ്തു കൊലപ്പെടുത്തി. ബഹ്‌റായിച്ചിലെ നന്‍പര പ്രദേശത്താണ് സംഭവം. വെള്ളിയാഴ്ച കാണാതായ കുട്ടിക്കായുള്ള തെരച്ചിലിനിടെയാണ് മൃതദേഹം കണ്ടെത്തിയതെന്ന് പൊലീസ് അറിയിച്ചു. കൊലപ്പടുത്തിയശേഷം മരത്തില്‍ കെട്ടിയിട്ട നിലയിലാണ് പെണ്‍കുട്ടിയുടെ മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് പൊലീസ് രണ്ടു പേരെ അറസ്റ്റ് ചെയ്തിട്ടുണ്ട്. ഒരാള്‍ ഒളിവിലാണ്. ഇയാള്‍ക്കായി തെരച്ചില്‍ തുടരുകയാണെന്ന് പൊലീസ് അറിയിച്ചു. പെണ്‍കുട്ടിയുടെ അച്ഛനാണ് പൊലീസില്‍ പരാതി നല്‍കിയത്. പിടിയിലായവര്‍ മുമ്പും പെണ്‍കുട്ടിയെ ഉപദ്രവിക്കാന്‍ ശ്രമിച്ചിരുന്നുവെന്ന് പരാതിയില്‍ പറയുന്നു.