പുലിയുടെ വായില്‍ നിന്ന് ഫോറസ്റ്റ് ഓഫീസര്‍ അത്ഭുതകരമായി രക്ഷപ്പെട്ടതിങ്ങനെ..
Update: 2018-05-08 21:16 GMT
ഗ്രാമത്തിലെ വീടുകളുടെ മേല്‍ക്കൂരകളില്‍ സ്വൈര്യവിഹാരം നടത്തുകയായിരുന്നു പുലി
ഒഡീഷയിലെ കന്താബാഞ്ജി വനമേഖലയിലെ കുരുളി ഗ്രാമത്തിലാണ് സംഭവം. ഗ്രാമത്തിനെ പുലി വേട്ടയാടാന്‍ തുടങ്ങിയതോടെയാണ് ഫോറസ്റ്റ് ഓഫീസര്‍ വിജയ്നന്ദ ഖുന്ത സ്ഥലത്തെത്തിയത്. ഗ്രാമത്തിലെ വീടുകളുടെ മേല്‍ക്കൂരകളില്‍ സ്വൈര്യവിഹാരം നടത്തുകയായിരുന്നു പുലി. ഒരു കൌമാരക്കാരനെ പുലി ആക്രമിച്ചതോടെ ഗ്രാമീണര്‍ക്ക് ഉറക്കം നഷ്ടമായി.
പുലിയെ പിടിക്കാന്‍ ഒരു വീടിന്‍റെ മേല്‍ക്കൂരയില്‍ കയറിയതായിരുന്നു ഖുന്ത. പൊടുന്നനെ എവിടെ നിന്നറിയില്ല പുലി ഖുന്തയ്ക്ക് നേരെ ചാടി വീണു. രക്ഷപ്പെടാന്‍ വേറെ മാര്‍ഗമൊന്നും കാണാതിരുന്ന ഖുന്ത മേല്‍ക്കൂരയില്‍ നിന്ന് എടുത്തുചാടി. വീഴ്ചയില്‍ പരിക്കേറ്റെങ്കിലും തലനാരിഴയ്ക്ക് ഉദ്യോഗസ്ഥന്‍ രക്ഷപ്പെട്ടു.
13 മണിക്കൂര്‍ നീണ്ട തെരച്ചിലിനൊടുവില്‍ തൊഴുത്തില്‍ നിന്ന് പുലിയെ പിടിച്ചു.