കോവിഡ് വാക്സിന്‍ ഇനി മുതല്‍ വീടുകളിലെത്തും; രാജ്യത്ത് ആദ്യമായി പദ്ധതിക്ക് തുടക്കമിട്ട് ഈ നഗരം

രാജ്യത്ത് ആദ്യമായി കോവിഡ് വാക്സിന്‍ വീട്ടിലെത്തിക്കുന്ന പദ്ധതിക്ക് നാളെ തുടക്കമാകും. ഈ പദ്ധതിക്ക് ആദ്യമായി തുടക്കമിടുന്നത് രാജസ്ഥാനിലെ ബിക്കാറീനിലാണ്. ഇനി മുതല്‍ ബിക്കാറീനുകാര്‍ക്ക് 45 വയസിന് മുകളില്‍ പ്രായമുള്ളവര്‍ക്ക് വാക്സിനെടുക്കാന്‍ വാക്സിന്‍ കേന്ദ്രങ്ങളിലേക്കോ ആശുപത്രികളിലേക്കോ പോകേണ്ടി വരില്ല.

ഈ സേവനം ലഭ്യമാക്കാനായി രാജസ്ഥാൻ സർക്കാർ ഹെൽപ്പ് ലൈൻ നമ്പർ ആരംഭിച്ചിട്ടുണ്ട്​. വാക്​സിൻ വേണ്ടവർ വാട്​സ്​ ആപ്പ് നമ്പർ വഴി അവരുടെ പേരും വിലാസവും നൽകണം. ഹെൽപ്പ്ലൈൻ നമ്പറിൽ രജിസ്​റ്റർ ചെയ്ത സ്ഥലത്ത് കുറഞ്ഞത് 10 പേരെങ്കിലും ഉള്ളപ്പോൾ മാത്രമേ വീട്ടിൽ വാക്​സിൻ ലഭ്യമാകുന്ന സേവനം ലഭ്യമാവുകയുള്ളു.

കഴിഞ്ഞ ദിവസം മൊബൈൽ വാക്​സിനേഷൻ വാഹനങ്ങൾ ബിക്കാനീർ അഡ്​മിനിസ്​ട്രേഷൻ പുറത്തിറക്കിയിരുന്നു. ഇത്തരത്തിൽ മൂന്ന്​ വാഹനങ്ങളാണ്​ ബിക്കാനീറിൽ മാത്രം സർവീസ്​ നടത്തുന്നത്​. രാജസ്ഥാൻ ഇതുവരെ 33.15 ലക്ഷത്തിലധികം ആളുകൾക്ക് ഒന്നാം ഡോസ് വാക്​സിൻ നൽകിക്കഴിഞ്ഞു.