ഡൽഹിയിൽ ഓക്സിജൻ ക്ഷാമം രൂക്ഷം

കോവിഡ് വ്യാപനം രൂക്ഷമായി തുടരുന്ന ഡൽഹിയിൽ ഓക്സിജൻ ക്ഷാമം പ്രതിസന്ധി സൃഷ്ടിക്കുന്നു. രണ്ട്​ മണിക്കൂർ ഉപയോഗിക്കാനുള്ള ഓക്​സിജൻ മാത്രമാണ്​ ബാക്കിയുള്ളതെന്നു ഡൽഹിയിലെ ഗംഗാ റാം ആശുപത്രി അധികൃതർ പ്രസ്​താവനയിൽ വ്യക്തമാക്കി. കഴിഞ്ഞ 24 മണിക്കൂറിനിടെ 25 രോഗികൾ മരിച്ചു.ഓക്​സിജൻ സ്​റ്റോക്ക്​ കുറയുന്നത്​ 60ഓളം രോഗികളുടെ ജീവൻ അപകടത്തിലാക്കുമെന്നും അധികൃതർ മുന്നറിയിപ്പ്​ നൽകി.കഴിഞ്ഞ 24 മണിക്കൂറിനിടെ 25 രോഗികൾ മരിച്ചു.

രണ്ട്​ മണിക്കൂർ ഉപയോഗിക്കാനുള്ള ഓക്​സിജൻ മാത്രമാണ്​ ബാക്കിയുള്ളത്​. വെന്‍റിലേറ്ററുകളിൽ പലതും ശരിയായി പ്രവർത്തിക്കുന്നില്ല. 60 ഓളം രോഗികളുടെ ജീവൻ അപകടത്തിലാണ്​. അടിയന്തര ഇടപെടലുണ്ടാവണമെന്ന്​ ആശുപത്രിയുടെ മെഡിക്കൽ ഡയറക്​ടർ അഭ്യർഥിച്ചു. എത്രയും പെ​ട്ടെന്ന്​ ഓക്​സിജൻ ആശുപത്രിയിൽ എത്തിക്കണമെന്നും അധികൃതർ ആവശ്യപ്പെട്ടു. ഡൽഹിയിലെ പ്രധാന സ്വകാര്യ ആശുപത്രികളിലൊന്നായ ഗംഗാറാമിൽ 500ഓളം കോവിഡ്​ രോഗികളാണ്​ ചികിത്സയിലുള്ളത്​.