പോര്‍ച്ചുഗലിനെ ഐസ്ലന്ഡ് സമനിലയില്‍ തളച്ചു
Update: 2016-11-29 10:38 GMT
പ്രവചനങ്ങളും പ്രതീക്ഷകളും തെറ്റിച്ച് മൈതാനത്തെ സംഘബോധം കൊണ്ട് സൂപ്പര്‍ താര പകിട്ടുള്ള പോര്‍ച്ചുഗലിനെ വിറപ്പിച്ചു ഐസ്ലാന്ഡ്.
യൂറോകപ്പില്‍ പോര്‍ച്ചുഗലിനെ ഐസ്ലന്ഡ് സമനിലയില്‍ തളച്ചു. നിശ്ചിതസമയത്ത് ഇരുടീമുകളും ഓരോ ഗോള്‍ വീതം നേടി. പോര്‍ച്ചുഗലിനായി നാനിയാണ് ഗോള്‍ നേടിയത്.
യൂറോ കപ്പില്‍ ആദ്യമായി പന്ത് തട്ടാന്‍ വന്ന പകപ്പുണ്ടായില്ല, മറുവശത്ത് മൂന്ന് തവണ ലോകതാരമായ കളിക്കാരനാണെന്ന് പേടിയുമുണ്ടായില്ല. പ്രവചനങ്ങളും പ്രതീക്ഷകളും തെറ്റിച്ച് മൈതാനത്തെ സംഘബോധം കൊണ്ട് സൂപ്പര്‍ താര പകിട്ടുള്ള പോര്‍ച്ചുഗലിനെ വിറപ്പിച്ചു ഐസ്ലാന്ഡ്. കിട്ടിയ അവസരങ്ങള്‍ മുതലെടുക്കാന്‍ കഴിയാത്തതായിരുന്നു പോര്‍ച്ചുഗലിന്‍റെ പ്രശ്നം. ഐസ്ലാന്ഡ് ഗോളിയുടെ ഉജ്വല പ്രകടനം ക്രിസ്റ്റ്യാനോ റൊണാള്‍ഡോയെ പല തവണ നിഷേധിച്ചു. മുന്‍ മാഞ്ചസ്റ്റര്‍ യുണൈറ്റഡ് താരം നാനിയുടെ ബൂട്ടില്‍ നിന്നാണ് പോര്‍ച്ചുഗലിന്‍റെ ഏക ഗോള്‍ വീണത്.
രണ്ടാം പകുതിയുടെ തുടക്കത്തിലായിരുന്നു പോര്‍ച്ചുഗലിനെ ഞെട്ടിച്ച ഗോള്‍.ഒരു വലിയ ടൂര്‍ണമെന്‍റില്‍ ഐസ്ലാന്ഡ് ആദ്യമായി നേടുന്ന ഗോള്‍. യാര്‍നസണ്‍ ആണ് സ്കോറര്‍. പല തവണ പോര്‍ച്ചുഗലിന് ജയിക്കാനുള്ള അവസരം ലഭിച്ചു. നാനിയും റൊണാള്‍ഡോയും ഗോമസുമെല്ലാം പക്ഷേ ഐസ്ലന്ഡ് ഗോളി ഹള്‍ഡോര്‍സണെ മറികടക്കാനായില്ല.