സ്വീഡന്‍ അയര്‍ലണ്ട് സമനില
Update: 2017-02-19 17:08 GMT
നിശ്ചിത സമയത്ത് ഇരു ടീമുകളും ഓരോ ഗോള്‍ വീതം നേടി. സ്ലാട്ടന്‍ ഇബ്രാഹിമോവിച്ചിന്‍റെ സൂപ്പര്‍ താര പകിട്ടുമായി എത്തിയ സ്വീഡന്‍ പ്രതീക്ഷിച്ചത് പോലെയുള്ള എതിരാളികളായിരുന്നില്ല അയര്‍ലന്‍ഡ്.
യൂറോ കപ്പിലെ മറ്റൊരു മത്സരത്തില്‍ സ്വീഡനും അയര്‍ലന്‍ഡും സമനിലയില്‍ പിരിഞ്ഞു. നിശ്ചിത സമയത്ത് ഇരു ടീമുകളും ഓരോ ഗോള്‍ വീതം നേടി.
സ്ലാട്ടന്‍ ഇബ്രാഹിമോവിച്ചിന്‍റെ സൂപ്പര്‍ താര പകിട്ടുമായി എത്തിയ സ്വീഡന്‍ പ്രതീക്ഷിച്ചത് പോലെയുള്ള എതിരാളികളായിരുന്നില്ല അയര്‍ലന്‍ഡ്. മത്സരത്തിലുടനീളം സ്വീഡനെ വിറപ്പിച്ച അയര്‍ലന്‍ഡിന് നിര്‍ഭാഗ്യം കൊണ്ടാണ് ജയം നഷ്ടമായത്. തുടക്കം മുതല്‍ അയര്‍ലന്‍ഡിന്റെ ആക്രമണമായിരുന്നു.
എന്നാല്‍ ഗോളില്ലാതെ ആദ്യ പകുതി കടന്ന് പോയി. രണ്ടാം പകുതിയുടെ തുടക്കത്തില്‍ തന്നെ മുന്നിലെത്തി അയര്‍ലന്‍ഡ്. മനോഹരമായ ടീം മുന്നേറ്റത്തിനൊടുവില്‍ വെസ് ഹൂളഹാന്‍റെ ഫിനിഷിങ്. സൂപ്പര്‍ താരം സ്ലാട്ടന്‍ ഇബ്രാഹിമോച്ചിന്‍റെ പല ശ്രമങ്ങളും ഗോള്‍ പോസ്റ്റിലെത്താതെ പോയി.
എന്നാല്‍ ഇബ്രാഹിമോവിച്ചിന്‍റെ തന്നെ ക്രോസില്‍ നിന്ന് പിറന്നു സ്വീഡന്‍റെ സമനില ഗോള്‍. അയര്‍ലന്‍ഡ് താരം സിയാറന്‍ ക്ലര്‍ക്കിന്‍റെ സെല്‍ഫ് ഗോളാണ് സ്കോര്‍ ബോര്‍ഡ് സമനിലയാക്കിയത്. സമനിലയോടെ യൂറോയിലെ മരണഗ്രൂപ്പില്‍ ഇരു ടീമുകള്‍ക്കും ഓരോ പോയിന്‍റ് വീതമായി.