ഐഎസ്എല്‍ സീസണ്‍ ഏഴു മാസമാക്കണമെന്ന് ആരോണ്‍ ഹ്യൂസ്
Update: 2017-04-29 15:56 GMT
രണ്ടരമാസം കൊണ്ട് അവസാനിക്കുന്ന ഐഎസ്എല്‍ ഏഴുമാസം വരെ നീട്ടണമെന്നാണ് ഹ്യൂസിന്റെ അഭിപ്രായം.
ഐഎസ്എല്‍ സീസണ്‍ പെട്ടെന്ന് അവസാനിപ്പിക്കരുതെന്ന് കേരള ബ്ലാസ്റ്റേഴ്സ് മാര്‍ക്വീ താരം ആരോണ്‍ ഹ്യൂസ്. രണ്ടരമാസം കൊണ്ട് അവസാനിക്കുന്ന ഐഎസ്എല്‍ ഏഴുമാസം വരെ നീട്ടണമെന്നാണ് ഹ്യൂസിന്റെ അഭിപ്രായം.
വിശ്രമത്തിനും പരിക്കില്‍നിന്ന് തിരിച്ചുവരാനും തന്ത്രങ്ങള്‍ മെനയാനും ഐഎസ്എല്ലിന്റെ ചുരുങ്ങിയ സമയം അനുവദിക്കുന്നില്ലെന്നാണ് ഹ്യൂസ് പറയുന്നത്. ലീഗില്‍ ഇതുവരെ മികച്ച അനുഭവമാണ് തനിക്കുള്ളത്. അതുകൊണ്ട് രണ്ടര മാസത്തില്‍ നിന്ന് കുറഞ്ഞത് ഏഴുമാസം വരെയെങ്കിലും ഐഎസ്എല്‍ നീട്ടണമെന്നും വടക്കന്‍ അയര്‍ലന്‍ഡ് താരം പറയുന്നു. ചെന്നൈയിന്‍ എഫ്‍സിയോടുള്ള കളിക്ക് മുന്നോടിയാണ് ഹ്യൂസിന്റെ പ്രസ്താവന. ബ്ലാസ്റ്റേഴ്സ് ഇപ്പോള്‍ നന്നായി കളിക്കുന്നുണ്ട്. ഗോളുകള്‍ കൂടുതല്‍ അടിക്കുന്നില്ലെങ്കിലും ഗോള്‍ വഴങ്ങാതിരിക്കാന്‍ ബ്ലാസ്റ്റേഴ്സ് ശ്രമിക്കുന്നുണ്ട്. ടീം ഇനിയും മെച്ചപ്പെടുമെന്നും ഹ്യൂസ് പറഞ്ഞു. പ്രതിരോധമെന്നാല്‍ ബാക്ക്സൈഡിലെ നാലുതാരങ്ങള്‍ മാത്രമല്ലെന്നും ടീമിന്റെ മൊത്തം രൂപംതന്നെയാണെന്നും ഹ്യൂസ് വ്യക്തമാക്കി.