ബ്രസീല്‍ ഒന്നാം സ്ഥാനത്ത്; അര്‍ജന്‍റീനക്ക് ഞെട്ടിപ്പിക്കുന്ന തോല്‍വി
. ലോകഫുട്ബോള്‍ ചരിത്രത്തിലാദ്യമായി വൈദ്യുതിബന്ധം നഷ്ടമായതിനെ തുടര്‍ന്ന് മത്സരം നീണ്ട നേരം തടസപ്പെട്ട ചരിത്രവും ബ്രസീല്‍ - വെനസ്വേല മത്സരത്തില്‍ ....
ലോകകപ്പ് യോഗ്യത മത്സരങ്ങളില്‍ ബ്രസീലിന് തിളങ്ങുന്ന ജയവും അര്‍ജന്‍റീനക്ക് അപ്രതീക്ഷിത പരാജയവും. നായകന്‍ നെയ്മറുടെ അഭാവത്തില്‍ കളത്തിലിറങ്ങിയ മഞ്ഞക്കിളികള്‍ എതിരില്ലാത്ത രണ്ട് ഗോളുകള്‍ക്കാണ് വെനസ്വേലയെ കെട്ടുകെട്ടിച്ചത്. ഗ്രബിയേല്‍ ജീസസും വില്ലിയനുമായിരുന്നു സ്കോറര്‍മാര്‍. ലോകഫുട്ബോള്‍ ചരിത്രത്തിലാദ്യമായി വൈദ്യുതിബന്ധം നഷ്ടമായതിനെ തുടര്‍ന്ന് മത്സരം നീണ്ട നേരം തടസപ്പെട്ട ചരിത്രവും ബ്രസീല്‍ - വെനസ്വേല മത്സരത്തില്‍ കുറിക്കപ്പെട്ടു. കളിയുടെ എഴുപത്തിനാലാം മിനുട്ടിലാണ് പവര്‍കട്ടിനെ തുടര്‍ന്ന് ഫ്ലഡ്‍ലൈറ്റുകള്‍ കണ്ണടച്ചത്. സാങ്കേതിക വിദഗ്ധര്‍ ഏറെ പണിപ്പെട്ടാണ് ഇവയ്ക്ക് പിന്നീട് ജീവന്‍ നല്‍കിയത്.
ഒരു ഗോള്‍ മികവിലാണ് പരാഗ്വേ അര്‍ജന്‍റീനയെ വീഴ്ത്തിയത്. സൂപ്പര്‍താരം മെസിയെ കൂടാതെ സ്വന്തം കാണികളുടെ മുന്നില്‍ കളത്തിലിറങ്ങിയ അര്‍ജന്‍റീനയെ ഞെട്ടിച്ച് ഡെര്‍ലിസ് ഗോണ്‍സാലസാണ് അര്‍ജന്‍റീനയുടെ വല കുലുക്കിയത്.