താരങ്ങള്‍ക്ക് ആവേശം പകര്‍ന്ന് ഷിഹാബുദ്ദീന്‍
വൈകല്യങ്ങള്‍ മറന്നും കായിക താരങ്ങളെ പ്രോത്സാഹിപ്പിക്കാന്‍ മുഴുവന്‍ സമയവും ഷിഹാബുദ്ദീന്‍ ഗ്രൌണ്ടിലുണ്ടായിരുന്നു.
കാലിക്കറ്റ് സര്‍വകലാശാല സിന്തറ്റിക്ക് ട്രാക്കില്‍ നടക്കുന്ന കായികോത്സവ വേദിയിലേക്ക് ഒരു അതിഥിയെത്തി. വൈകല്യങ്ങള്‍ മറന്നും കായിക താരങ്ങളെ പ്രോത്സാഹിപ്പിക്കാന്‍ മുഴുവന്‍ സമയവും ഷിഹാബുദ്ദീന്‍ ഗ്രൌണ്ടിലുണ്ടായിരുന്നു.
പരിമിതികളെ മറന്നാണ് ഷിഹാബ് കാലിക്കറ്റ് യൂണിവേഴ്സിറ്റിയിലെ സിന്തറ്റിക്ക് ട്രാക്കില്‍ മത്സരങ്ങള്‍ കാണാനെത്തിയത്. വീല്‍ ചെയറില്‍ സഞ്ചരിച്ചാണ് ഈ കായിക പ്രേമി കൌമാരപ്രതിഭകളെ പ്രോത്സാഹിപ്പിക്കുന്നത്. വെറുമൊരു കായിക പ്രേമി എന്നതിലുപരി നല്ല ഫുട്ബോളറും ബാറ്റ്സ്മാനും കൂടിയാണ് മലപ്പുറം പൂക്കോട്ടൂര്‍ സ്വദേശിയായ ഈ ഇരുപത്തിമൂന്നുകാരന്‍.
തന്റെ ഇഷ്ടതാരമായ പയ്യോളി എക്സ് പ്രസ് പി ടി ഉഷയെ ആദ്യമായി നേരില്‍ കണ്ടെത്തിന്റെ സന്തോഷത്തിലാണ് ഷിഹാബ്
സ്പോട്സ് മാത്രമല്ല, വയലിന്‍, പിയോനോ തുടങ്ങിയ സംഗീതോപകണങ്ങള്‍ കൈകാര്യം ചെയ്യുന്നതിലും മിടക്കനാണ്. നിരവധി റിയാലിറ്റി ഷോകളില്‍ പങ്കെടുത്തിട്ടുള്ള ഷിഹാബ് കലിക്കറ്റ് യൂണിവേഴ്സിറ്റിയിലെ എംഎ ഇംഗീഷ് വിദ്യര്‍ഥിയാണ്.