നൂറിന്‍റെ തിളക്കത്തോടെ ഝാര്‍ഖണ്ഡിനെ വിജയത്തിലേക്ക് നയിച്ച് ധോണി
Update: 2018-05-09 10:10 GMT
പത്ത് ബൌണ്ടറികളും ആറ് പടുകൂറ്റന്‍ സിക്സറുകളും അടങ്ങുന്നതായിരുന്നു ആ ഇന്നിങ്സ്. ആറ് വിക്കറ്റ് നഷ്ടത്തില്‍ 57 റണ്‍സ് എന്ന നിലയില്‍ ഝാര്‍ഖണ്ഡ് വിയര്‍ത്തു നില്‍ക്കുന്ന ഘട്ടത്തിലായിരുന്നു നായകന്‍
ഝാര്‍ഖണ്ഡിന്‍റെ നായകനായിറങ്ങിയ ആദ്യ മത്സരത്തില്‍ മികച്ച കളി പുറത്തെടുത്തിട്ടും കര്‍ണാടകക്കെതിരെ ടീമിനെ വിജയ തീരത്ത് എത്തിക്കാന്‍ കഴിയാതിരുന്നതിന്‍റെ പഴി കേട്ട മഹേന്ദ്ര സിങ് ധോണി രണ്ടാം മത്സരത്തില്‍ കണക്ക് തീര്‍ത്തത് വെടിക്കെട്ട് ശതകവുായി, ചത്തീസ്ഗഡിനെതിരായ മത്സരത്തിലാണ് 107 പന്തുകളില്‍ നിന്നും 129 റണ്‍സുമായി ധോണി ടീമിന്‍റെ രക്ഷകനായത്. പത്ത് ബൌണ്ടറികളും ആറ് പടുകൂറ്റന്‍ സിക്സറുകളും അടങ്ങുന്നതായിരുന്നു ആ ഇന്നിങ്സ്. ആറ് വിക്കറ്റ് നഷ്ടത്തില്‍ 57 റണ്‍സ് എന്ന നിലയില്‍ ഝാര്‍ഖണ്ഡ് വിയര്‍ത്തു നില്‍ക്കുന്ന ഘട്ടത്തിലായിരുന്നു നായകന്‍ ക്രീസിലെത്തിയത്. അര്‍ധശതകം നേടിയ നദീമുമൊത്ത് ഏഴാം വിക്കറ്റില്‍ 151 റണ്‍ കൂട്ടുകെട്ട് പടുത്തുയര്‍ത്തിയ ധോണി ഇന്നിങ്സിലെ അവസാന പന്തിലാണ് വീണത്,
വിജയിക്കാന്‍ 244 റണ്‍ ലക്ഷ്യവുമായി ഇറങ്ങിയ ചത്തീസ്ഗഡിന്‍റെ ഇന്നിങ്സ് 165 റണ്‍സിന് അവസാനിച്ചു.