വൈകിയെണീറ്റു, ടീം ബസ്​ പോയി; ബംഗ്ലദേശ്​ താരത്തിന്​ നഷ്​ടമായത്​ ലോകകപ്പ്​ മത്സരം

ധാക്ക: ബസും തീവണ്ടിയുമൊക്കെ കിട്ടാതെ പരീക്ഷക്കും കല്യാണത്തിനുമൊക്കെ വൈകിയെത്താറുണ്ട്​. ചിലപ്പോൾ ടർഫിൽ കളിയുള്ള സമയം വൈകിയെത്തിയാൽ കളിക്കാനും കൂട്ടില്ല. പക്ഷേ വൈകിയെത്തി ടീം ബസിൽ കയറാനാകാതെ ലോകകപ്പ്​ മത്സരം നഷ്​ടമായാലോ?.

ബംഗ്ലദേശ്​ പേസ്​ ബൗളർ തസ്​കിൻ അഹ്​മദിനാണ്​ ഈ അബദ്ധം സംഭവിച്ചത്​. ട്വൻറി 20 ലോകകപ്പിലെ ഇന്ത്യക്കെതിരായ സൂപ്പർ എട്ടിലെ നിർണായക മത്സര ദിവസം തസ്​കിൻ അഹ്​മദ്​ നന്നായി ഉറങ്ങി. വൈകി എണീറ്റതോടെ ടീം ബസെത്തിയപ്പോൾ കയറാനാകാത്തതിനാൽ കൃത്യസമയത്ത്​ എത്താനുമായില്ല. ബംഗ്ലദേശ്​ മത്സരത്തിൽ 50 റൺസിന്​ പരാജയപ്പെടുകയും ചെയ്​തിരുന്നു.

എന്നാൽ ​നാട്ടിലെത്തിയതിന്​ പിന്നാലെ ബംഗ്ലദേശ്​ പത്രത്തിന്​ നൽകിയ അഭിമുഖത്തിൽ തസ്​കിൻ മനസ്സുതുറന്നിരിക്കുകയാണ്​. ‘‘ടീം ബസ്​ പോയത്​ രാവിലെ 8.35നാണ്​. 8.43ന്​ തന്നെ ഞാനും അവിടുന്ന്​ പോന്നു. ബസ്​ എത്തിയ സമയത്ത്​ തന്നെ ഞാനും ഗ്രൗണ്ടിലെത്തി. ടോസ്​ ഇടുന്നതിന്​ അരമണിക്കൂർ മു​േമ്പ എത്തിയിരുന്നു. ടീമിലെടുക്കാത്തത്​ താൻ വൈകിയെത്തിയത്​ കൊണ്ടല്ല’’ -തസ്​കിൻ പറഞ്ഞു. വിശദീകരണത്തിന്​ പിന്നാലെ സംഭവത്തിൽ താരം മാ​പ്പുപറയുകയും ചെയ്​തു.

എന്നാൽ ഈ സംഭവത്തിൽ വിശദീകരണവുമായി ബംഗ്ലദേശ്​ ‘സീനിയർ താരം ഷാക്കിബുൽ ഹസൻ രംഗത്തെത്തി. ‘‘ബസ്​ കൃത്യസമയത്ത്​ വരും. ബസ്​ ആർക്കായും കാത്തിരിക്കില്ല. ബസ് കിട്ടിയില്ലെങ്കിൽ മാനേജറുടെ കാറ​ിലോ ടാക്​സിയിലോ വരാം. പക്ഷേ വെസ്​റ്റിൻഡീസിൽ വാഹനങ്ങൾ കിട്ടാൻ പ്രയാസമാണ്​. അവൻ കളിതുടങ്ങുന്നതിന്​ അഞ്ചുപത്ത്​ മിനിറ്റുമുമ്പ്​ മാത്രമാണ്​ എത്തിയത്​. അതുകൊണ്ടുതന്നെ ടീമിലെടുക്കാനായില്ല. ഏതായാലും അവൻ ബോധപൂർവം വൈകിയതല്ലല്ലോ.. മാപ്പും പറഞ്ഞു. അതുകൊണ്ടുതന്നെ എല്ലാവരും സാധാരണ സംഭവമായാണിത്​ കാണുന്നത്​’’ -ഷാക്കിബ്​ പറഞ്ഞുനിർത്തി.

എന്തായാലും അലസത കാണിച്ചതിന്​ ടസ്​കി​െൻറ കൈയ്യിൻ നിന്നും ഫൈൻ ഈടാക്കില്ല എന്നാണ്​ പുറത്തുവരുന്ന റിപ്പോർട്ടുകൾ. വൈകിയെത്തിയത്​ കൊണ്ടല്ല ടീമിൽ നിന്ന്​ ഒഴിവാക്കിയതെന്ന്​ ടസ്​കിൻ പറയുന്നുണ്ടെങ്കിലും സാധ്യതകൾ അതിലേക്ക്​ തന്നെയാണ്​ വിരൽ ചൂണ്ടുന്നത്​. വിഷയത്തിൽ ബംഗ്ലദേശ് പരിശീലകൻ ചന്ദിക ഹതുരുസിംഗ ഇതുവരെ പ്രതികരിച്ചിട്ടില്ല.