വനിതാ ഫുട്ബോൾ ലോകകപ്പിൽ ആദ്യ സെമി ഇന്ന്; സ്വീഡനും സ്പെയിനും നേർക്കുനേർ

ഓക്ക്‌ലൻഡ്: വനിതാ ഫുട്ബോൾ ലോകകപ്പിൽ ഫൈനൽ ലക്ഷ്യമിട്ട് ഇന്ന് സ്വീഡനും സ്പെയിനും നേർക്കുനേർ. അഞ്ചാംസെമി കളിക്കുന്ന സ്വീഡൻ രണ്ടാംഫൈനലാണ് ലക്ഷ്യമിടുന്നത്. സ്പെയിനാകട്ടെ കന്നി സെമിക്കാണ് ഇറങ്ങുന്നത്.

ന്യൂസിലൻഡിലെ ഓക്ലൻഡിലെ ഈഡൻ പാർക്ക് സ്റ്റേഡിയത്തിൽ ഇന്ന് പകൽ 1.30നാണ് മത്സരം. ഇതാദ്യമായാണ് വനിതാ ലോകകപ്പിൽ സ്‌പെയിനും സ്വീഡനും നേർക്കുനേർ വരുന്നത്. നാല് സെമിയിൽ മൂന്നും തോറ്റ ചരിത്രമാണ് സ്വീഡനുള്ളത്. 2003ലായിരുന്നു ഇതിനുമുൻപ് ഫൈനലിൽ കടന്നത്. ലോസ് ആഞ്ചൽസിലെ കാഴ്‌സനിൽ നടന്ന മത്സരത്തിൽ എക്‌സ്ട്രാ ടൈമിൽ ഒന്നിനെതിരെ രണ്ടു ഗോളിന് ജർമനിയാണ് സ്വീഡനെ തോൽപിച്ചത്.

നാളെ നടക്കുന്ന രണ്ടാം സെമിയിൽ ആതിഥേയരായ ആസ്‌ത്രേലിയ ഇംഗ്ലണ്ടിനെ നേരിടും.

Summary: Spain vs Sweden Women’s World Cup 2023 semi-final preview