വിംബിൾഡൻ കിരീടം ജോക്കോവിച്ചിന്

വിംബിൾഡൻ പുരുഷ സിംഗിൾസ് കിരീടം ലോക ഒന്നാം നമ്പർ താരം നൊവാക് ജോക്കോവിച്ചിന്. വിംബിൾഡൻ കോർട്ടിൽ നടന്ന ഫൈനലിൽ ഇറ്റലിയുടെ ഏഴാം സീഡായ മാറ്റിയോ ബെരേറ്റിനിയെയാണ് ജോക്കോവിച്ച് കീഴ്പ്പെടുത്തിയത്.

സെർബിയൻ താരത്തിന്റെ 20-ാം ഗ്ലാൻഡ്സ്ലാം കിരീടം കൂടിയാണിത്. ആറാമത്തെ വിംബിൾഡൻ കിരീടവും. ഇന്നത്തെ വിജയത്തോടെ ഗ്രാൻഡ്സ്ലാം കിരീടനേട്ടത്തിൽ ടെന്നീസ് ഇതിഹാസങ്ങളായ റോജർ ഫെഡറർക്കും റഫാൽ നദാലിനുമൊപ്പം ലോക റെക്കോർഡിനൊപ്പമെത്തിയിരിക്കുകയാണ് ജോക്കോവിച്ച്.

നാല് സെറ്റ് നീണ്ട പോരാട്ടത്തിൽ 6-7(4), 6-4, 6-4, 6-3 എന്ന സ്കോറിന് ബെരേറ്റിനിയെ നിഷ്പ്രഭനാക്കിയാണ് സെര്‍ബിയന്‍ താരം വിജയകിരീടമണിഞ്ഞത്. ദോക്കോവിച്ചിന്റെ 30-ാം ഗ്ലാൻഡ്സ്ലാം കലാശപ്പോരാട്ടമായിരുന്നു ഇന്ന് നടന്നത്. ഇറ്റാലിയൻ താരത്തിന്റെ ആദ്യ ഫൈനലും.