ദിവസവും ഒരു കാരറ്റ് കഴിച്ചോളൂ... ഒന്നല്ല,ഏഴുണ്ട് ഗുണങ്ങൾ

ഒരുപാട് ആരോഗ്യഗുണങ്ങളുടെ പച്ചക്കറികളിലൊന്നാണ് കാരറ്റ്. കഴുകി വൃത്തിയാക്കിയ കാരറ്റ് പച്ചയിലോ,ജ്യൂസടിച്ചോ, ആവിയിൽ വേവിച്ചോ കഴിക്കാവുന്നതാണ്. കാരറ്റ് കഴിച്ചാൽ ആരോഗ്യത്തിന് നിരവധി ഗുണങ്ങൾ ലഭിക്കും.. അതിൽ പ്രധാനപ്പെട്ട ചിലതിതാ....

അവശ്യ പോഷകങ്ങളാൽ സമ്പന്നം: ജീവകങ്ങൾ എ, സി, കെ, പൊട്ടാസ്യം, ഫൈബർ തുടങ്ങിയ അവശ്യ പോഷകങ്ങളുടെ മികച്ച ഉറവിടമാണ് കാരറ്റ്. മൊത്തത്തിലുള്ള ആരോഗ്യം നിലനിർത്തുന്നതിൽ ഈ പോഷകങ്ങൾ പ്രധാന പങ്ക് വഹിക്കുന്നുണ്ട്.

കണ്ണിന്റെ ആരോഗ്യം: കാഴ്ചശക്തിക്ക് ഏറ്റവും പ്രധാനപ്പെട്ട പോഷകമാണ് വിറ്റമിൻ എ. കാരറ്റാണെങ്കിൽ വിറ്റാമിൻ എയാൽ സമ്പന്നമായി പച്ചക്കറിയാണ്. ഇതിന് പുറമെ ല്യൂട്ടിൻ,ബീറ്റാ കരോട്ടിൻ എന്നിവയും കാരറ്റിൽ ധാരാളമായി അടങ്ങിയിട്ടുണ്ട്. ഇതും കണ്ണിന്‍റെ ആരോഗ്യത്തിന് ഏറെ ഗുണകരമാണ്.

ആന്റിഓക്സിഡന്റ്: ബീറ്റാ കരോട്ടിൻ, ആൽഫ കരോട്ടിൻ, ല്യൂട്ടിൻ തുടങ്ങിയ ആന്റിഓക്സിഡന്റുകളാൽ കാരറ്റിൽ ധാരാളം അടങ്ങിയിട്ടുണ്ട്. ഈ ആന്റിഓക്സിഡന്റുകൾ ഫ്രീ റാഡിക്കലുകൾ മൂലമുണ്ടാകുന്ന കേടുപാടുകളിൽ നിന്ന് ശരീരത്തെ സംരക്ഷിക്കാൻ സഹായിക്കുന്നു. ഇത് ഹൃദ്രോഗം, ചില കാൻസറുകൾ തുടങ്ങിയ രോഗങ്ങൾ വരാനുള്ള സാധ്യത കുറക്കുമെന്നാണ് പഠനങ്ങളൾ തെളിയിക്കുന്നത്.

ദഹനത്തിന് സഹായിക്കും: നാരുകളുടെ മികച്ച ഉറവിടമാണ് കാരറ്റ്. ഇത് ദഹനവ്യവസ്ഥ മെച്ചപ്പെടുത്താൻ സഹായിക്കും. മലബന്ധം തടയുകയും ചെയ്യും.

രക്തത്തിലെ പഞ്ചസാരയുടെ അളവ് കുറക്കും: കാരറ്റിൽ അടങ്ങിയിരിക്കുന്ന ഫൈബർ രക്തത്തില പഞ്ചസാര ആഗിരണം ചെയ്യുന്നത് മന്ദഗതിയിലാക്കും. കാരറ്റിൽ കുറഞ്ഞ രീതിയിൽ മധുരം ഉണ്ടെങ്കിലും ഗ്ലൈസെമിക് അടങ്ങിയതിനാൽ പഞ്ചസാരയുടെ അളവ് അതിവേഗം ഉയരാൻ കാരണമാകില്ല.

ചർമ്മത്തിന്റെ ആരോഗ്യം: കാരറ്റിൽ അടങ്ങിയിരിക്കുന്ന ആന്റിഓക്സിഡന്റുകൾ, പ്രത്യേകിച്ച് ബീറ്റാ കരോട്ടിൻ, ആരോഗ്യമുള്ള ചർമ്മം നിലനിർത്താൻ സഹായിക്കുന്നു. ഈ ആന്റിഓക്സിഡന്റുകൾക്ക് സൂര്യാഘാതം കുറയ്ക്കാനും അകാല വാർധക്യം തടയാനും കഴിയും.