യുക്രൈനെതിരെ ജയം; 64 വർഷത്തിന് ശേഷം വെയിൽസിന് ലോകകപ്പ് യോഗ്യത

പൊരുതിക്കളിച്ച യുക്രൈനിനെ എതിരില്ലാത്ത ഒരുഗോളിന് തോൽപ്പിച്ച് വെയിൽസ് ഖത്തർ ലോകകപ്പിന് യോഗ്യത നേടി. 34-ാം മിനുട്ടിൽ ആൻഡ്രി യർമോലെങ്കോയുടെ ഓൺഗോളാണ് യുക്രൈന് തിരിച്ചടിയായത്.

64 വർഷത്തിന് ശേഷമാണ് വെയിൽസിന്റെ ലോകകപ്പ് പ്രവേശനം. ലോകകപ്പിൽ ഇംഗ്ലണ്ട്, ഇറാൻ, അമേരിക്ക ടീമുകൾക്കൊപ്പം ഗ്രൂപ്പ് ബിയിലാണ് വെയിൽസ് കളിക്കേണ്ടത്. ഇതോടെ ഖത്തർ ലോകകപ്പിന് യോഗ്യത നേടിയ ടീമുകളുടെ എണ്ണം 30 ആയി. രണ്ട് ഇന്റർ കോണ്ടിനന്റൽ പ്ലേ ഓഫ് മത്സരങ്ങളാണ് ഇനി നടക്കാനുള്ളത്.